Më 16.10.2025, një delegacion i udhëhequr nga Reis ul Ulema, me pjesëmarrjen e Dekanit të Fakultetit të Shkencave Islame, Prof. Dr. Abdulxhemil Nesimi, drejtorit të Medresesë dhe Drejtorit për Diasporë, mori pjesë në simpoziumin shkencor të mbajtur në Cyrih të Zvicrës, organizuar nga Komuniteti Mysliman Shqiptar në Zvicër.

Simpoziumi u zhvillua me temën:
“Xhamitë shqiptare në mërgatë në shërbim të kombit, fesë dhe integrimit”,
duke tubuar përfaqësues të bashkësive islame nga Shqipëria, Kosova, imamë, studiues, përfaqësues institucionalë, aktivistë komunitarë dhe drejtues të unioneve islame shqiptare nga disa vende të Evropës.

Gjatë […]

Në kuadër të bashkëpunimit ndërkombëtar dhe shkëmbimit akademik, dekani i Fakultetit të Shkencave Islame në Shkup, Prof. Dr. Abdulxhemil Nesimi, mori pjesë në Konferencën shkencore “Takimi i Dijetarëve të Ballkanit”, e cila u mbajt në qytetin Edirne të Turqisë.

Konferenca u organizua nga Fondacioni i Dijetarëve Islam, dhe mblodhi një numër të madh dijetarësh, profesorësh dhe personalitetesh fetare nga vendet e Ballkanit dhe bota islame. Në këtë ngjarje të rëndësishme shkencore dhe fetare mori pjesë edhe kryetari i Unionit Botëror të Dijetarëve Muslimanë, Prof. Dr. Ali Karadagi, i cili mbajti një ligjëratë me temë mbi roli e dijetarëve […]

Fakulteti i Shkencave Islame në Shkup pati kënaqësinë të mirëpresë në një vizitë miqësore profesor Bahri Aliun, ish-kryetar i Bashkësisë Fetare Islame, drejtor dhe profesor në Medresenë “Isa Beu”, tashmë në pension. Profesori ishte i shoqëruar nga disa miq të tij të afërt.

Dekani i Fakultetit, prof. Abdulxhemil Nesimi, së bashku me profesorë dhe anëtarë të administratës, e priti me respekt dhe i uroi mirëseardhje të përzemërt. Ai shprehu mirënjohje për kontributin e çmuar të profesorit Aliu në zhvillimin e arsimit fetar dhe në ruajtjen e vlerave islame në vendin tonë.

Gjatë takimit u zhvillua një bisedë […]

Në kuadër të aktiviteteve edukative dhe të formimit moral që promovon Fakulteti i Shkencave Islame – Shkup, sot studentët e Fakultetit zhvilluan një aksion vullnetar për pastrimin e oborrit dhe të Xhamisë së Fakultetit.

Ky aktivitet kishte për qëllim të forcojë ndjenjën e përgjegjësisë, kujdesit ndaj ambientit dhe respektit ndaj hapësirave të përbashkëta, si pjesë përbërëse e edukimit shpirtëror dhe shoqëror që ofron Fakulteti ynë.

Dekani i Fakultetit, Prof. Dr. Abdulxhemil Nesimi, falënderoi studentët për kontributin e tyre dhe theksoi se kujdesi për pastërtinë është një dimension i rëndësishëm i besimit dhe i moralit islam. Ai kujtoi […]

Në ambientet e Fakultetit të Shkencave Islame – Shkup u zhvillua ceremonia solemne e fillimit të vitit të ri akademik 2025/2026, e cila u karakterizua nga një atmosferë të ngrohtë, shpirtërore dhe akademike.

Ceremonia filloi me leximin e disa ajeteve Kur’anore nga studenti Hfz. Xhelil Havziu, duke e hapur këtë ngjarje me mesazhe të frymëzuara nga drita e Librit të Shenjtë.

Në këtë ceremoni morën pjesë personalitete të larta fetare e arsimore, ndër të cilët Reis-ul-Ulema i Bashkësisë Fetare Islame në RMV, H. Hfz. Shaqir ef. Fetai, Sekretari Gjeneral i BFI-së, H. Irsal ef. Jakupi, drejtori i Medresesë “Isa Beu” – Shkup, Dr. […]

Më datë 02.10.2025, në ambientet e Fakultetit të Shkencave Islame u zhvillua Mbledhja e 67-të e Këshillit Mësimor Shkencor, e cila u kryesua nga Prof. Dr. Abdulxhemil Nesimi.

Mbledhja u hap me lexim të as’hirit nga kryetari i Unionit të Studentëve, Islail Ismaili, dhe më pas vijoi sipas rendit të ditës të parashikuar. Gjatë punimeve, u diskutuan dhe u miratuan çështjet e mëposhtme:

• Miratimi i rendit të ditës.

• Vlerësimi dhe miratimi i konstatimeve të Komisionit Recenzues për zgjedhjen dhe rizgjedhjen e dy docentëve në lëndët Akaid dhe Histori […]