Më 03 prill 2025, në ambientet e Fakultetit të Shkencave Islame në Shkup u mbajt mbledhja e 64-të e rregullt e Këshillit Mësimor-Shkencor, e kryesuar nga dekani, Prof. Dr. Abdulxhemil Nesimi. Në këtë mbledhje mori pjesë edhe Reisul-ulema i Bashkësisë Fetare Islame të RMV-së, H. hfz. Shaqir ef. Fetai.

Mbledhja u hap me leximin e një pjese nga Kurani Famëlartë nga studenti Ismail Ismaili. Kryesuesi i mbledhjes, Prof. Dr. Abdulxhemil Nesimi, fillimisht falënderoi Zotin e Madhëruar, duke dërguar përshëndetje mbi Profetin Muhamed (a.s) dhe familjen e tij. Më tej, shprehu mirënjohjen për praninë e Kryetarit të BFI-së, H. Shaqir ef. Fetai, si dhe falënderoi stafin akademik për angazhimin dhe përkushtimin e treguar. Me këtë rast, Dekani uroi Kryetarin dhe të gjithë të pranishmit me rastin e festës së Fitër Bajramit.

Rend dite

  • Miratimin i raportit  recenzues për zgjedhje–rizgjedhje në titullin “Docent”, të shpallur më 24 dhjetor 2024, në të cilin kishte konkurruar vetëm një kandidat. Këshilli e miratoi njëzëri raportit  recenzues nga Komisionit për zgjedhjen e Dr. Taxhedin Bislimit në thirrjen  docent. Me këtë rast, Dekani falënderoi anëtarët e komisionit recenzues dhe stafin akademik për kontributin e dhënë, duke i uruar Doc. Dr. Taxhedin Bislimit shëndet dhe suksese në punën e tij akademike.

  • Miratimin e Planit Zhvillimor trevjeçar (2025–2027) të Fakultetit të Shkencave Islame, prej të cilit rrjedh edhe programi vjetor.

  • Angazhimin e demonstratorëve për semestrin veror 2024/25, për lëndët: Kiraet dhe Tefsir.

  • Formimin e Komisionit për ankesat e studentëve.

  • Raportimin e Komisionit për vlerësimin e veprimtarisë paraprake, deri në formimin e përhershëm të tij. Kryetari i Komisionit, Prof. Dr. Jusuf Mustafai, paraqiti para Këshillit dy çështje të ngritura: a) Programi Lyra Valeti, dhe
    b) Mungesa e informimit të Themeluesit dhe KMSH-së nga ana e dekanit paraprak, në lidhje me moszgjedhjen e Sekretarit të FSHI-së dhe ndërprerjen e procesit të zgjedhjes së dekanit si rezultat i mosangazhimit të tij.

  • Informim nga Dekani lidhur me vendimin e Inspektoratit të Arsimit, në përgjigje të disa ankesave të dërguara nga persona anonimë. Kryesuesi i mbledhjes njoftoi se Inspektorati e ka konsideruar çështjen të mbyllur dhe se të gjitha ankesat e paraqitura janë cilësuar si të pabazuara, pasi për secilën ekzistojnë dëshmi të qarta dhe të dokumentuara.

  • Gjatë mbledhjes u diskutua edhe për angazhimin e stafit akademik dhe studentëve gjatë muajit të Ramazanit. Dekani falënderoi Kryetarin H. hfz. Shaqir ef. Fetai për konsideratën e vazhdueshme ndaj Fakultetit, si dhe për përkrahjen e xhematit në vend dhe në diasporë.

Në përmbyllje të mbledhjes, fjalën e mori Kryetari i Bashkësisë Fetare Islame, H. hfz. Shaqir ef. Fetai, i cili përshëndeti dekanin dhe falënderoi stafin akademik dhe studentët për përkushtimin dhe kontributin e tyre në procesin edukativo-arsimor. Ai gjithashtu theksoi rëndësinë e vazhdimit të bashkëpunimit ndërmjet Fakultetit të Shkencave Islame dhe BFI-së, veçanërisht në organizimin dhe realizimin e aktiviteteve gjatë muajit të Ramazanit.