Në vijim të zhvillimit dhe forcimit të bashkëpunimit akademik ndërinstitucional, Fakulteti i Shkencave Islame – Shkup, i udhëhequr nga Dekani Prof. Dr. Abdulxhemil Nesimi, mirëpriti një delegacion nga Fakulteti i Studimeve Islame në Sarajevë, të kryesuar nga Dekani Prof. Dr. Mustafa Hasani.

Në përbërje të delegacionit ishin gjithashtu Prof. Dr. Zuhdija Hasanović, ish-dekan i këtij fakulteti, Prof. Dr. Ahmed Alibašić, prodekan për arsim, si dhe Prof. Dr. Nedim Begović, prodekan për cilësi.

Gjatë këtij takimi, dy dekanët dhe ekipet e tyre theksuan rëndësinë e rritjes së shkëmbimit të njohurive dhe zhvillimit të aktiviteteve të përbashkëta akademike. U shqyrtuan ide konkrete për projekte kërkimore, […]

Në kuadër të nxitjes së bashkëpunimit akademik dhe kulturor ndërmjet institucioneve arsimore të rajonit, më 24 shtator 2025, Fakulteti i Shkencave Islame – Shkup mirëpriti një delegacion studentësh nga Fakulteti i Studimeve Islame në Sarajevë, i udhëhequr nga profesori Sejid Strika.

Delegacioni u prit nga dekani i Fakultetit, Prof. Dr. Abdulxhemil Nesimi, i cili, në prani të stafit akademik, i përshëndeti mysafirët dhe prezantoi historikun e zhvillimit të Fakultetit të Shkencave Islame, programet studimore që ofrohen, si dhe veprimtaritë kërkimore dhe shkencore që zhvillohen në kuadër të tij.

Gjatë takimit u shkëmbyen përvoja të rëndësishme akademike dhe u diskutua për mundësitë konkrete të […]

Fakulteti i Shkencave Islame – Shkup po kalon në një fazë të rëndësishme transformimi përmes nismës së restaurimit që është duke u realizuar falë mbështetjes bujare të donatorëve Haxhi Fadil Aliu dhe Haxhi Mujdin Aliu. Ky investim i çmuar kontribuon drejtpërdrejt në përmirësimin e kushteve akademike dhe mjedisit studimor për studentët dhe stafin e fakultetit.

Kjo nismë është një dëshmi e përkushtimit për të forcuar infrastrukturën arsimore islame në vend dhe për të krijuar një hapësirë dinjitoze e moderne, në shërbim të gjeneratave të ardhshme të dijes.

[…]

Në këtë ditë të bekuar të lindjes së Muhamedit (a.s.), të dërguarit të mëshirës dhe dritës, Fakulteti i Shkencave Islame përcjell urimet më të përzemërta për të gjithë besimtarët myslimanë.

Lindja e Profetit (a.s.) shënon fillimin e një epoke të re të drejtësisë, paqes dhe mëshirës për mbarë njerëzimin. Ai ishte shembulli më i përkryer i sjelljes fisnike dhe i thirrjes për unitet e dashuri.

Le të shërbejë kjo ditë si nxitje për të ecur në gjurmët e tij, duke kultivuar virtytet e larta, duke forcuar besimin dhe duke ushqyer shpresën për një të ardhme më të […]

Më 24.07.2025 u mbajt mbledhja e 66-të e rregullt e Këshillit Mësimor-Shkencor (KMSh) të Fakultetit të Shkencave Islame – Shkup. Mbledhja u zhvillua në ambientet e fakultetit dhe u drejtua nga Dekani i Fakultetit, Prof. Dr. Abdulxhemil Nesimi.

Kryesuesi i KMSh-së, pasi falënderoi Allahun e Gjithëfuqishëm dhe përshëndeti Muhamedin (a.s.) dhe pasuesit e tij, përshëndeti gjithashtu stafin akademik. Ai informoi të pranishmit se Reis ul-Ulema, H. Hfz. Shaqir ef. Fetai, nuk kishte mundësi të merrte pjesë në mbledhje për shkak të agjendës së ngjeshur, duke përcjellë uratat e tij në lidhje me përfundimin e vitit akademik 2024/2025.

[…]

Të nderuar përfaqësues të Bashkësisë Fetare Islame, 
I nderuar Reis ul-Ulema i BFI-së, H. hfz. Shaqir ef. Fetahi, 
Të nderuar drejtues të Medresesë “Isa Beu”,
Të gjithë të përfshirë në këtë proces të rëndësishëm,

Me zemër të hapur dhe me ndjenja të thella mirënjohjeje, më lejoni që, në emrin tim personal dhe në emër të stafit akademik të Fakultetit të Shkencave Islame, t’ju uroj juve dhe mbarë besimtarëve miratimin e ligjit për akreditimin e Medresesë së ndritur “Isa Beu”.

Ky vendim shënon një hap historik në forcimin dhe institucionalizimin e arsimit […]

Dekani i Fakultetit të Shkencave Islame – Shkup, Prof. Dr. Abdulxhemil Nesimi, mori pjesë në ceremoninë përkujtimore me rastin e 30-vjetorit të gjenocidit në Srebrenicë, e cila u mbajt më 11 korrik 2025 në Potoçari, Bosnjë dhe Hercegovinë. Pjesëmarrja e Dekanit në këtë ngjarje përfaqëson një akt solidariteti dhe respekti për viktimat e këtij krimi të rëndë kundër njerëzimit.

Udhëheqësi i delegacionit të Republikës së Maqedonisë së Veriut, Reis ul-Ulema H. hfz. Shaqir ef. Fetahi, në prononcimin e tij shprehu nderimet më të larta për të gjithë të rënët dhe për familjet e tyre, duke theksuar rëndësinë e […]

Në kuadër të aktiviteteve informuese dhe ditëve të hapura të Fakultetit të Shkencave Islame – Shkup, u realizua një vizitë nga maturantet e Medresesë së Vajzave “Isa Beu” – Gostivar. Kjo vizitë kishte për qëllim njohjen nga afër me sistemin edukativo-arsimor të Fakultetit, ambientet akademike, si dhe mundësitë që ofron institucioni për studime të avancuara në fushën e shkencave islame.

Maturantet ishin të shoqëruara nga Myftiu i Gostivarit, H. Sabahudin ef. Zendeli, koordinatori i medresesë, Prof. Afrim Alija, si dhe disa profesoresha të kësaj shkolle. Ato u pritën ngrohtësisht nga Dekani i Fakultetit, Prof. Dr. Abdulxhemil Nesimi, së bashku me stafin akademik […]

Në këtë ditë të bekuar, le të kujtojmë se fillimi i një viti të ri është një mundësi për reflektim shpirtëror, përmirësim personal dhe afrimitet më të madh me Zotin. Uroj që ky vit të sjellë paqe, shëndet, begati dhe udhëzim për ju dhe familjet tuaja.

Me respekt Prof.dr. Abdulxhemil NESIMI,

Dekan i Fakultetit të Shkencave Islame-Shkup