Më 15 shtator 2026, në Fakultetin e Shkencave Islame – Shkup, u zhvillua me sukses mbrojtja publike e temës së diplomës me titull “Kontributi i grave në periudhën e hershme të Islamit”, të përgatitur dhe mbrojtur nga kandidatja Fatime Zeynuli.
Punimi trajton një temë me rëndësi të veçantë në kuadër të studimeve islame dhe historisë së qytetërimit islam, duke vënë në pah rolin dhe kontributin e grave në periudhën e hershme të Islamit. Në kuadër të punimit janë analizuar kontributet e grave në jetën fetare, arsimore, shoqërore dhe familjare, si dhe ndikimi i tyre në zhvillimin dhe formësimin e shoqërisë së hershme islame.
Gjatë mbrojtjes publike, kandidatja paraqiti në mënyrë të strukturuar qëllimin, përmbajtjen, rezultatet dhe përfundimet kryesore të punimit, duke dëshmuar njohje të literaturës përkatëse dhe aftësi për trajtimin akademik të temës. Pas prezantimit, ajo iu përgjigj pyetjeve dhe vërejtjeve të anëtarëve të Komisionit vlerësues.
Mbrojtja u zhvillua para Komisionit në përbërje:
- Prof. Dr. Shinazi Memeti
- Prof. Dr. Abdulxhemil Nesimi
- Prof. Dr. Jusuf Mustafai
Pas shqyrtimit të punimit dhe vlerësimit të prezantimit dhe mbrojtjes publike, Komisioni konstatoi se kandidatja Fatime Zeynuli e mbrojti me sukses temën e diplomës.
Fakulteti i Shkencave Islame – Shkup e përgëzon kandidaten për përfundimin me sukses të këtij etapi të rëndësishëm akademik dhe i uron suksese të mëtejshme në rrugëtimin e saj arsimor, profesional dhe intelektual.
Mbrojtje të tilla dëshmojnë përkushtimin e Fakultetit të Shkencave Islame – Shkup ndaj avancimit të dijes, zhvillimit të veprimtarisë akademike dhe shkencore, si dhe përgatitjes së brezave të rinj në fushën e studimeve islame.
