Në kuadër të përmbylljes së studimeve, studentët kanë mbrojtur me sukses temat e tyre të diplomës, duke trajtuar çështje të rëndësishme nga fusha e studimeve islame, shëndetit, historisë, të drejtës islame dhe shkencave të hadithit.

Temat e mbrojtura dhe mentorët e tyre janë:

Azra Ramani – Ndikimi i praktikave fetare islame në shëndetin fizik të njeriut

Mentor: Prof. Dr. Naser Ramadani

Ezana Osmani – Ndikimi i praktikave fetare islame në shëndetin mendor të njeriut

Mentor: Prof. Dr. Naser Ramadani

Esra Amet – Kontributi i grave në shkencat islame gjatë shekujve IX–XI

Mentor: Prof. Dr. Shinazi Memedi

Ismail Ismaili – Trashëgimia e mashkullit dhe e femrës në Sheriatin Islam dhe në të drejtën e RMV-së

Mentor: Doc. Dr. Taxhudin Bislimi

Ebru Ajdari – Ibni Haxher Askalani dhe vepra e tij “Nuhbetu-l-Fikër”

Mentor: Prof. Dr. Faredin Ebibi

Gëzim Imeri – Studiuesi i Hadithit dhe përballja e tij me sfidat bashkëkohore

Mentor: Prof. Dr. Faredin Ebibi

Mbrojtja e këtyre temave përfaqëson përmbylljen e një etape të rëndësishme të formimit të tyre akademik dhe njëkohësisht dëshmon për angazhimin e Fakultetit në zhvillimin e kërkimit shkencor dhe në përgatitjen e kuadrove të reja në fushën e shkencave islame.

Fakulteti i Shkencave Islame i përgëzon studentët për përfundimin me sukses të studimeve dhe për punën e tyre akademike, ndërsa profesorëve mentorë u shpreh mirënjohje për kontributin dhe përkushtimin e tyre në udhëheqjen e studentëve gjatë këtij procesi.

Urime gjeneratës së re të të diplomuarve dhe suksese të mëtejshme në rrugëtimin e tyre akademik e profesional